Paalam Tiya Dely

Di kami close ni Tiya Dely. Lalong hindi kami magkamag anak at Lalong hindi kami magka-tropa. Nagpapaalam lang ako sa kanya para sa mga libo-libong taong taga hanga nya. Kasama na dun ang magiting kong lola.

Nabalitaan ko kanina sa GMA-7. Si Mike enriguez ung may malaking ilong na broadcaster ang nagbalita na boses parang nagpapatawa. Patay na raw si Tiya Dely. Nakalimutan ko kung ano ang pangalan saang hospital dinala si Tiya Dely. Pero sabi niya namatay na raw si Tiya Dely sabay pagpangit ng kanyang mukha. Ayun sa balita, kahapon raw habang nasa himpilan ng radyo. Inatake sya. Hindi ng mga MILF kundi ng kanyang karamdaman sa puso. Siguro dala na rin ng sobrang pagmamahal.. Na over dose ng pagmamahal at agad syang isinugod sa hospital. At ung nga, tuluyan ng bumigay. Di man lang nila naisipang pakainin ng pancit si Tiya Dely para humaba ang buhay..

Habang pinapanood ko ang busalsal na ilong ni Mike Enriguez habang sya'y nagbabalita. Naalala ko tuloy ang dating taga laba ng damit ng lola ko. Limot ko na ang pangalan nya. Pero matanda na rin sya.. Ewan ko lang kung patay na rin ata un. Dati sa tuwing darating un sa bahay. May dala dala syang parang kahon. Na takang taka ako kung ano un. Inakala ko nuon lalagyan ng sabon un pala hindi.. Walastik Radyo pala un. Kulay green ang kahon at kulay pula ang pihitan ng pampalakas ng tunog at paglipat ng himpilan. Isa lang ang himpilang pinakikingan nya, Un ay ang programa ni Tiya Dely.

Sa walang kamatayang, dating programa ni Tiya Dely.. Nagpapadala ng liham ang mga taga pagpakinig, Nang kanila mga talambuhay at babasahin naman ito ni Tiya Dely ng malumanay at nakaka antok na boses. Pagkatapos niyang magbasa ng ilang bahagi. Ipinapasa dula ito sa pamamagitan ng boses lamang, Na may mga kasama pang tunog na aayun sa mga eksena. Kadalasan drama at walang hangang iyakan ang mga maririnig dito. Minsan pa nga ung mga ginagahasang eksena ang madalas na itinatampok. Iniisip ko bat di na lang sila sa himpilan ng pulisya magkwento ng mga ganun. Kung sa bagay bayad ang sino mang mapalad na mapiling liham. Tumatanginting na 1000 piso ang naghinintay na pabuya maliban pa dito ang hiling ng nagpadala ng liham.

Ganito kadalasan ang mga eksena ang babasahin ni Tiya Dely.
Para kay Tiya Dely,

Tawagin nyo na lang po ako sa pangalang Nene.. Ako lang po ang nag iisang anak ng mga magulang ko. Sa baybaying dagat kami nakatira at maaga po akong nangulila sa Ama. mabait ang aking Ina. Hangang grade 3 lang ang natapos ko. Gawa ng matinding kahirapan. nung ika-10 kong kaarawan. Dinapuan ako ng sakit at tuluyang nabulag ang aking mga mata at nawalan ng paningin. Pakiramdam ko nun ay sinakluban ako ng langit at lupa.
Titigil dito ang pagbabasa at ipapasok ngayon ang pagsasadula ng mga boses. Babangitin muna ang pamagat kung wari ito ang pamagat.. " Nene.. Nene.. Makakakita ka pa, Wag mawalan ng pag asa"

Eksena nasa klinika ng barangay..( may background music )

LALAKE ; pasensya na misis. ngunit subalit dadapwat eh ikinalulungkot ko. Nadapuan ng matinding sakit ang anak ninyo at naapektohan ang paningin ng iyong anak. Kinakailangan operahan sya sa lalong madaling panahon. Pero binabalaan ko pa kayo. Mahigit isang milyon ang gagastusin nyo sa mga ganito

BABAE ; ( iiyak. hahagulgol) Doc.. wala na bang ibang paraan.. OH!! Diyos ko.. bakit..??( pasigaw nyang isisigaw ) Diyos ko !! bakit.. bakit ang anak ko pa.. bakit kami pa..wala kaming mga pera !!!
NENE ; ( paiyak na boses ) Inay ano pong nangyayari sa akin. ? ( iiyak pa ) bakit wala akong makita.. inay.......!!! ( Iiyak ulit )

BABAE : Nene....!! ( paiyak na boses pero pasigaw )

Mga ganito kadalasan ang maririnig nyo sa programang Tiya Dely. At habang pinakikingan ito ng labandera namin dati. Madalas ang pagpahid nya ng sipon at luha gamit ang niluma at maluwag nyang damit. Nagyoyosi pa sya at nasa loob ng bibig nya ang baga ng yosi. Kagat kagat nya ito.. At tawang tawa ako sa kanya, Kasi baliktad syang mag yosi. Dun sa pinakikingan nya. Ganito rin halos ang ginagawa ng Lola ko sa tuwing nakikinig ng Tiya Dely. Nananahi ng mga sirang damit. Nakahanda ang laba carang luma na rin. Ito ang pinampapahid sa luha at sipon. May mga reaksyon din sila sa tuwing umiigting na ang eksena. Nakikisali animo'y mga chismosang kapitbahay. May mga side comments pa at suggestion sila lang ang nakaka alam at nakakarinig

Pagkatapos ng dula. Babasahin na ni Tiya Dely ang huling bahagi ng liham, Bahagyang magbibigay kumento o gustong sabihin. Una ay mag papasalamat at magbibigay siya ng payo sa nagliham. Ang kanyang kuro-kuro, damdamin at ang huli sasabhin, kung paano makukuha ang gantimpala ng nagliham, kasabay nang kanilang hiling. Sabay sabi hangang sa muli paalam.. Parang sa Dragonball Z pero di boses ni Goku.. boses ni Tiya Dely na gustong mautot..